Ezkutatu fitxategi bat

Fitxategiak fitxategi-kudeatzaileak fitxategiak ezkutatu eta erakusteko aukera eskaintzen du. Fitxategi bat ezkutuan badago, ez da kudeatzailean ikusiko, baina hala ere karpetan jarraituko du.

Fitxategi bat ezkutatzeko, aldatu bere izena eta gehitu . bat izenaren hasieran. Adibidez, adibidea.txt izena duen fitxategi bat ezkutatzeko, aldatu izena eta jarri .adibidea.txt.

Erakutsi ezkutuko fitxategi guztiak

Karpeta bateko fitxategi ezkutuak ikusteko, sakatu leihoaren alboko barrako menu-botoia eta aktibatu Erakutsi fitxategi ezkutuak edo sakatu CtrlH. Ezkutuko fitxategi guztiak ikusiko dituzu, ezkutukoak ez direnekin batera.

Fitxategi horiek berriro ezkutatzeko, sakatu leihoaren alboko barrako menu-botoia eta desaktibatu Erakutsi fitxategi ezkutuak edo sakatu CtrlH berriro.

Erakutsi ezkutuko fitxategi bat

Ezkutuan dagoen fitxategi bat agerian uzteko, joan ezkutuko fitxategia duen karpetara. Sakatu leihoaren alboko barrako menu-botoia eta hautatu Erakutsi ezkutuko fitxategiak, edo sakatu CtrlH. Ondoren, aurkitu ezkutuko fitxategia eta aldatu izena, hasieran . eduki ez dezan. Adibidez, .adibidea.txt deitzen den fitxategi bat agerian uzteko, aldatu izena eta jarri adibidea.txt.

Fitxategiaren izena aldatu ondoren, sakatu leihoaren alboko barrako menu-botoia eta desaktibatu Erakutsi ezkutuko fitxategiak, edo sakatu CtrlH ezkutuko fitxategiak berriro ezkutatzeko.

Modu lehenetsian, fitxategi-kudeatzailea itxi arte soilik ikusiko dituzu ezkutuko fitxategiak. Ezarpen hori aldatzeko eta fitxategi-kudeatzaileak ezkutuko fitxategiak beti erakutsi ditzan, begiratu .

Ezkutuko fitxategi gehienek . bat izango dute izenaren hasieran, baina beste batzuek ~ izango dute izenaren amaieran. Horiek babeskopiako fitxategiak dira. Begiratu informazio gehiagorako.