GNOMEren dokumentazio-proiektua gnome-doc-list@gnome.org Natalia Ruz Leiva nruz@alumnos.inf.utfsm.cl Michael Hill mdhillca@gmail.com Rafael Fontenelle rafaelff@gnome.org Erabili Disko-erabileraren analizatzailea, Sistemaren monitorea edo Erabilera diskoen espazioa eta kapazitatea ezagutzeko. Asier Saratsua Garmendia asiersarasua@ni.eus 2025 Begiratu diskoan zenbat espazio geratzen den

Diskoaren zenbat espazio geratzen den libre ezagutzeko, Disko-erabileraren analizatzailea, Sistemaren monitorea edo Erabilera aplikazioak erabili ditzakezu.

Begiratu disko-erabileraren analizatzailearekin

Disko-erabileraren analizatzailea aplikazioarekin diskoan duzun leku librea eta diskoaren ahalmena begiratzeko:

Ireki Jarduerak ikuspegiko Disko-erabileraren analizatzailea. Leihoan fitxategi-kokalekuen eta haietako bakoitzaren erabilera eta kapazitatea erakutsiko dira.

Egin klik zerrendako elementuetako batean, elementu bakoitzaren erabileraren laburpen xehea ikusteko. Egin klik menu-botoian eta, ondoren, Eskaneatu karpeta… beste kokaleku bat eskaneatzeko.

Informazioa honako aldagaien arabera erakusten da: Karpeta, Tamaina, Edukiak eta datuen Aldaketa-data. Xehetasun gehiagorako, ikusi Disko-erabileraren analizatzailea.

Begiratu Sistemaren monitorea aplikazioarekin

Sistemaren monitorearekin diskoan duzun leku librea eta diskoaren ahalmena begiratzeko:

Ireki Sistemaren monitorea aplikazioa Jarduerak ikuspegitik.

Hautatu Fitxategi-sistemak fitxa sistemaren partizioak eta disko-espazioaren erabilera ikusteko. Informazioa honako aldagaien arabera erakutsiko da: Guztira, Librea, Erabilgarri and Erabilita.
Begiratu Erabilera aplikazioarekin

Erabilera diskoan duzun leku librea eta diskoaren ahalmena begiratzeko:

Ireki Erabilera aplikazioa Jarduerak ikuspegitik.

Hautatu Biltegiratzea fitxa sistemak zenbat disko-espazio erabiltzen duen ezagutzeko Erabilita eta Erabilgarri aukeren bidez, bai eta Sistema eragileak eta erabiltzaile-direktorio nagusiek erabiltzen dutena ezagutzeko.

Erabiltzaile-direktorioetan eta bere azpidirektorioetan disko-espazioa askatu daiteke. Horretarako, markatu direktorioaren izenaren alboko koadroa.
Zer gertatzen da diskoa beteegia badago?

Diskoa beteegia badago:

Ezabatu garrantzitsuak ez diren edo erabiltzen ez dituzun fitxategiak.

Egin momentuan behar ez dituzun baina garrantzitsuak diren fitxategien babeskopia, eta gero, ezabatu disko gogorretik.