Como comprobar canta tinta ou tóner queda na súa impresora depende do modelo e fabricante da súa impresora e o dos controladores e aplicacións instaladas no seu computador.

Algunhas impresoras teñen unha pantalla empotrada para mostrar os niveis de tinta e outra información.

Algunhas impresoras informan dos niveis de tóner ou tinta ao ordenador, que se poden atopar no panel Impresoras en Preferencias. O nivel de tinta mostrarase cos detalles da impresora se está dispoñíbel.

Os controladores e ferramentas de estado para a maioría das impresoras de HP fornéceos o Proxecto Imaxe e Impresión en Linux de HP («HP Linux Imaging and Printing», HPLIP). Outros fabricantes poden fornecer controladores privativos con características similares.

De forma alternativa, pode instalar unha aplicación para comprobar os niveles de tinta. Inkblot móstralle o estado da tinta para algunhas impresoras de HP, Epson e Canon. Comprobe se a súa impresora está na lista de modelos compatíbeis. Outra aplicación de niveis de tinta para as impresoras Epson e algunhas máis é mktink.

Algunhas impresoras aínda non son moi compatíbeis con Linux, e outras non están deseñadas para informar dos seus niveis de tinta.