Phil Bull philbull@gmail.com Клейн Кравис kleinkravis44@outlook.com 2020 Кейбір желілік тіркелгілерді бірнеше қызметке (күнтізбе және электрондық пошта сияқты) қол жеткізу үшін пайдалануға болады. Бұл қызметтердің қайсысын қолданбалар пайдалана алатынын басқара аласыз. Тіркелгіні қай желілік қызметтерге қол жеткізу үшін пайдалануға болатынын басқару

Желілік тіркелгі провайдерлерінің кейбір түрлері бірдей пайдаланушы тіркелгісімен бірнеше қызметке қол жеткізуге мүмкіндік береді. Мысалы, Google тіркелгілері күнтізбеге, электрондық поштаға және контактілерге қол жеткізуді қамтамасыз етеді. Тіркелгіңізді кейбір қызметтер үшін пайдаланып, басқалары үшін пайдаланбауды қалауыңыз мүмкін. Мысалы, күнтізбе үшін басқа желілік тіркелгіңіз болса, Google тіркелгіңізді электрондық пошта үшін пайдаланып, күнтізбе үшін пайдаланбауды қалауыңыз мүмкін.

Әрбір желілік тіркелгі ұсынатын кейбір қызметтерді сөндіруге болады:

Көрініс панелін ашып, Желілік тіркелгілер деп тере бастаңыз.

Панельді ашу үшін Желілік тіркелгілер батырмасын шертіңіз.

Оң жақтағы тізімнен өзгерткіңіз келетін тіркелгіні таңдаңыз.

Осы тіркелгімен қолжетімді қызметтер тізімі Келесі үшін қолдану астында көрсетіледі. Қай қолданбалардың қай қызметтерге қол жеткізетінін көру үшін қараңыз.

Пайдаланғыңыз келмейтін кез келген қызметті сөндіріңіз.

Тіркелгі үшін қызмет сөндірілгеннен кейін, компьютеріңіздегі қолданбалар сол қызметке қосылу үшін бұдан былай тіркелгіні пайдалана алмайды.

Сөндірілген қызметті іске қосу үшін Желілік тіркелгілер панеліне қайта оралып, оны қосыңыз.