Lineako denda batetik musika deskargatu baduzu, zenbaitetan ez da erreproduzituko zure ordenagailuan, batez ere Windows edo Mac OS ordenagailu batetik erosi bazenuen eta handik kopiatu bazenuen.

Izan daiteke musika ez egotea zure ordenagailuak ezagutzen duen formatu batean. Abesti bat erreproduzitu ahal izateko, audio-formatu egokien euskarria izan behar duzu instalatuta. Adibidez, MP3 fitxategiak entzun nahi badituzu, MP3 formatuaren euskarria instalatuta eduki behar duzu. Audio-formatu jakin batgen euskarria ez baduzu, horretaz ohartaraziko dizun mezu bat ikusiko duzu abesti bat erreproduzitzen saiatzean. Mezuan formatuaren euskarria instalatzeko laguntza ere emango dizu normalean.

Abestiaren audio-formaturako euskarria instalatuta baduzu eta hala ere entzuten ez bada, agian abestia kopiaren aurkako babesa (DRMa, alegia) duelako da. DRMaren bidez, abesti bat nork eta zein gailutan entzun daitekeen mugatzen du. Abestia saldu zizun enpresak kontrolatzen du hori, ez zuk. Musika-fitxategi batek DRM mugak baditu, ziur aski ezin izango duzu erreproduzitu — hornitzailearen software berezia beharko duzu DRM bidez mugatutako fitxategiak erreproduzitzeko, baina sarritan software horrek ez du Linuxerako bertsiorik.

DRM teknologiari buruz gehiago jakitzeko, ikusi Electronic Frontier Foundation.