Компьютерді ұйықтату режиміне ауыстырғанда, оны ұйқы режиміне жібересіз. Барлық қолданбаларыңыз бен құжаттарыңыз ашық қалады, бірақ қуатты үнемдеу үшін экран мен компьютердің басқа бөліктері сөнеді. Дегенмен компьютер әлі де қосулы болады және ол бәрібір аз мөлшерде қуат тұтынады. Пернені басу немесе тышқанды шерту арқылы оны оята аласыз. Егер бұл көмектеспесе, қуат батырмасын басып көріңіз.
Кейбір компьютерлерде аппараттық қамтаманы қолдау мәселелері бар, бұл олардың дұрыс ұйықтамауы мүмкін екенін білдіреді. Оған сенбес бұрын, оның жұмыс істейтініне көз жеткізу үшін компьютеріңізде ұйықтату режимін тексеріп алған дұрыс.
Компьютерді ұйықтату режиміне ауыстырмас бұрын барлық жұмысыңызды сақтауыңыз керек, себебі бірдеңе дұрыс болмай қалса, компьютер жұмысын қайта бастағанда ашық қолданбалар мен құжаттарды қалпына келтіру мүмкін болмай қалуы мүмкін.